நீங்கள் தேடியது "சிதம்பரம் நடராஜர்"

பஞ்ச பூத தலங்களில் ஆகாய தலமாக விளங்குவது கடலூர் மாவட்டத்தில் உள்ள சிதம்பரம் நடராஜர் கோவில். உலக புகழ்பெற்ற இந்த கோவிலுக்கு வெளிநாடுகளில் இருந்தும் ஏராளமான பக்தர்கள் வருவார்கள். பல்வேறு சிறப்புகளை உள்ளடக்கிய இக்கோவிலில் ஆனந்த நடராஜருக்கு ஆண்டுதோறும் 6 மகா அபிஷேகம் நடைபெறுவது வழக்கம். இதில் ஆனி, மார்கழி மாதம் நடைபெறும் மகாஅபிஷேகம் சிறப்பு வாய்ந்தவையாகும்.

ஏனெனில், இந்த 2 உற்சவத்தின் போதும் மூலவராகிய ஆனந்த நடராஜமூர்த்தி, சிவகாம சுந்தரி அம்பாளுடன் உற்சவராக தேரில் எழுந்தருளி வலம் வருவார். மறுநாள் ஆயிரங்கால் மண்டபம் என்னும் ராஜசபையில் மூலவர் ஆனந்த நடராஜர், அம்பாளுடன் எழுந்தருள்வார். அங்கு அவருக்கு மகா அபிஷேகம் நடைபெறும்.

அதன்படி, இந்தாண்டுக்கான ஆனிதிருமஞ்சன விழா கடந்த 12-ந்தேதி கொடியேற்றத்துடன் தொடங்கியது. விழாவையொட்டி கடந்த 25-ந்தேதி இரவு தெருவடைச்சான் உற்சவமும், நேற்று முன்தினம் ஆனி திருமஞ்சன தேரோட்டமும் நடைபெற்றது. இதில் மூலவராகிய ஆனந்த நடராஜர், சிவகாமசுந்தரி அம்பாள் ஆகியோர் சிறப்பு அலங்காரத்தில் தனித்தனி தேரில் எழுந்தருள பக்தர்கள் தேரை வடம் பிடித்து இழுத்தனர். தேர் நிலைக்கு வந்தவுடன் ஆயிரங்கால் மண்டபத்தில் நடராஜர், சிவகாமசுந்தரி அம்பாளுக்கு லட்சார்ச்சனை நடைபெற்றது.

ஆனி திருமஞ்சன விழாவின் சிகர நிகழ்ச்சியான மகா தரிசன விழா நேற்று வெகு விமரிசையாக நடந்தது. இதையொட்டி, அதிகாலை 2 மணி முதல் 6 மணி வரை ஆயிரங் கால் முகப்பு மண்டபத்தில் நடராஜருக்கும், சிவகாம சுந்தரி அம்பாளுக்கும் மகா அபிஷேகம் நடைபெற்றது.

தொடர்ந்து சாமிக்கு திருவாபரண அலங்காரமும், சித்சபையில் ரகசிய பூஜையும் நடந்தது. பின்னர், பகல் 1 மணிக்கு பஞ்சமூர்த்திகள் வீதிஉலா நடைபெற்றது. நான்கு வீதிகளின் வழியாக சென்ற பஞ்சமூர்த்திகள் கோவில் உள்ளே மதியம் 2.10 மணிக்கு வந்து, ஆயிரங்கால் மண்டபத்தில் உள்ள நடனப்பந்தல் முன்பு எழுந்தருளி பக்தர்களுக்கு அருள்பாலித்தனர். இதையடுத்து, சித்சபையில் உற்சவ ஆச்சாரியார் தலைமையில் மண்டகப்படி பிரசாத படையல் மற்றும் தீபாராதனை நடந்தது.

பின்னர், மதியம் 2.50 மணிக்கு ஆயிரங்கால் மண்டபத்தில் இருந்து நடராஜர், சிவகாமசுந்தரி அம்பாள் மூலவர் சன்னதிக்கு செல்லும் மகா தரிசன நிகழ்வு நடந்தது. அப்போது, நடராஜரும், சிவகாமசுந்தரி அம்பாளும் முன்னும் பின்னும் மூன்று முறை ஆனந்த நடனமாடி பக்தர்களுக்கு தரிசனம் அளித்தனர். இந்த கண்கொள்ளா காட்சியை கண்ட அங்கு கூடி இருந்த ஆயிரக்கணக்கான பக்தர்கள் ஓம் நமச்சிவாய, சிவாய நம என்ற பக்தி கோஷங்களை விண் அதிர எழுப்பியவாறு சாமி தரிசனம் செய்தனர்.

விழா ஏற்பாடுகளை நடராஜர் கோவில் பொது தீட்சிதர்கள் செய்திருந்தனர்.

மேலும், ஆனி திருமஞ்சன விழாவையொட்டி கடலூர் மாவட்ட போலீஸ் சூப்பிரண்டு விஜயகுமார் தலைமையில் 500-க்கும் மேற்பட்ட போலீசார் பாதுகாப்பு பணியில் ஈடுபட்டனர். இன்று (வெள்ளிக்கிழமை) இரவு முத்துப்பல்லக்கு நிகழ்ச்சி நடைபெறுகிறது. தரிசன விழாவையொட்டி அய்யப்ப சேவா சங்கம், விஸ்வகர்ம முன்னேற்ற சங்கம், விஸ்வகர்ம கைவினைஞர்கள் சங்கம் உள்ளிட்ட பல்வேறு அமைப்புகள் சார்பில் பக்தர்களுக்கு நீர்,மோர், அன்னதானம் வழங்கப்பட்டது. சிதம்பரம் நகராட்சி சார்பில் தேரோடும் வீதிகளில் குடிநீர், கழிப்பறை மற்றும் சுகாதார வசதிகள் செய்யப்பட்டிருந்தது. 

பொதுவாக 2 வழிகள் நம்முடைய சாஸ்திரத்தில் உள்ளன. அவை தட்சிணாயனமும் என்றும், உத்திராயணம் என் றும் உள்ளது.

அந்த வகையில் உத்திராயணம் என்று சொல்லப்படுகின்ற தை மாதம் தொடங்கி ஆனி மாதம் வரை உத்திராயணம் வழிபாடு நடக்கிறது.

சூரியன் பூமத்திய ரேகைக்கு தெற்கு பகுதியில் சென்றால் தட்சிணாயனமும், வடக்கு பகுதியில் சென்றால் உத்திராயணமும் கணக்கிடப்படுகிறது.

தற்போது உத்திராயண வழிமுறையில் ஆனி திருமஞ்சனம் கொண்டாடப்படுகிறது. சிதம்பரம் நடராஜருக்கு ஆண்டுதோறும் 6 அபிஷேகங்களை நிர்ணயித்துள்ளார்கள்.

பொதுவாக சிவாலயங்களில் சிவலிங்கத்துக்கு ஒரு நாளைக்கு 4, 5 மற்றும் 6 காலம் என்ற முறையில் பூஜைகள் நடைபெறும்.

ஆனால் சிதம்பரம் நடராஜருக்கோ ஆண்டுக்கு 6 முறை அபிஷேகம் நடைபெறுகிறது. அதன்படி உத்திராயணத்தில் 3 அபிஷேகங்களும், தட்சிணாயனத்தில் 3 அபிஷேகங்களும் நடைபெறும். தற்போது ஆனி திருமஞ்சன உற்சவத்தை முன்னிட்டு உத்திராயணத்தில் 3-வது அபிஷேகமாக இந்த ஆனி திருமஞ்சன மகா அபிஷேகம் நடைபெறுகிறது.

பூலோக கைலாயமாக விளங்கும் சிதம்பரத்தில் நடராஜர் கோவில் உள்ளது.இங்கு ஆண்டுக்கு 2 முறை உற்சவங்கள் நடைபெறுகிறது. ஒன்று ஆனி திருமஞ்சனம், 2-வதாக மார்கழி மாத திருவாதிரையில் ஆருத்ரா தரிசனம். இந்த ஆண்டுக்கான ஆனி திருமஞ்சன மகாஉற்சவம் இந்த மாதம் 12-ந் தேதி கொடி ஏற்றத்துடன் தொடங்கியது.

இதைத்தொடர்ந்து தினமும் 2 வேளைகளிலும் வாகனங்களில் 4 வீதிகளில் சாமி உலா வரும் நிகழ்ச்சி நடந்தது. நாளை (20-ந் தேதி) தேரோட்டம் நடக்கிறது. மூலவரும் உற்சவருமான ஆனந்த நடராஜரும், சிவகாமி அம்மனும் திருத்தேரில் எழுந்தருளி அருள்பாலிக்கின்றனர். இதில் லட்சக்கணக்கான பக்தர்கள் கலந்து கொண்டு தரிசிக்கிறார்கள்.

21-ந் தேதி இன்று ஆனிதிருமஞ்சன நிகழ்ச்சி நடக்கிறது. அதிகாலை 2 மணியில் இருந்து காலை 6 மணி வரை அபிஷேகம் நடக்கிறது. இந்த அபிஷேகத்தை காண்பது மனிதர்களின் பெரும்பாக்கியம்.

ஆனிதிருமஞ்சனத்தின் பயன்கள்

ஆனி திருமஞ்சன தினத்தன்று சாமியை தரிசனம் செய்தால், மக்களின் வேண்டுதல்கள் அனைத்தும் மிக விரைவில் நிறைவேறும். மக்கள் நல்ல பயனை அடைவார்கள். வாழ்வில் முன்னேற்றம் ஏற்படும். ஆண்-பெண் இருபாலரின் திருமணம் போன்ற வைபவங்கள் நடக்கும்.

இந்த ஆனியை தொடர்ந்து ஆவணி, ஐப்பசி, கார்த்திகை, மார்கழி, தை என மாதங்கள் வளர்ந்து வரும். அந்த காலங்களில் பக்தர்களின் வேண்டுதல்கள் நிறைவேறும். அனைத்து பக்தர்களும் அவரவர்களின் ஊர்களுக்கு அருகே உள்ள சிவன் கோவிலுக்கு சென்று அங்கு நடைபெற கூடிய ஆனி திருமஞ்சன மகாஅபிஷேகத்தில் தங்களால் முடிந்த அபிஷேக பொருட்களை கொடுத்து அபிஷேகம் செய்ய வேண்டும்.

அவ்வாறு செய்தால், பல்வேறு நற்பயன்கள் கிடைக்கும். அபிஷேகம் செய்யப்படும் ஒவ்வொரு பொருட்களும் அதற்கு கிடைக்கும் பலன்களும் வருமாறு:-

அபிஷேக பொருட்களின் பயன்கள்

பால்:- சந்ததி உண்டாகும்.
தயிர்:- சந்ததி வளம் பெறும்.
தேன்:- குரல் வளம் கிடைக்கும்.
பஞ்சாமிர்தம்:- எதிரிகள் அழிக்கப்படுவார்கள்.
நாட்டுச்சர்க்கரை:- எமபயம் நீங்கும்.
சந்தனம்:- வாழ்வு சிறக்கும்.
விபூதி:- எண்ணங்கள் நிறைவேறும்.
பழச்சாறு:- குடும்பம் வளர்ச்சியை பெறும்.
கங்கா தீர்த்தம்:- ஞானம் உண்டாகும்.
எலுமிச்சை சாறு:- நினைத்தது எல்லாம் கிடைக்கும்.



பக்தர்கள் தங்களுடைய வேண்டுதலுக்கேற்ப இதுபோன்ற அபிஷேக பொருட்களை கொடுத்து பலன் பெறலாம். இதுமட்டு மின்றி பட்டு உள்ளிட்ட வஸ்திரங்கள், வாசனை திரவியங்கள் உள்ளிட்ட பொருட்களையும் பக்தர்கள் வழங்கலாம். இதன் மூலம் பக்தர்களின் வாழ்வில் மேன்மை உண்டாகும்.

மலர் மாலைகள், பூச்சரங்கள், வாசனைமிக்க பூக்களை வைத்து இறைவனை அர்ச்சித்தால் நமக்கு நல்ல பயன்கள் கிடைக்கும். இறைவனால் அளிக்கப்பட்ட பொருட்களை இறைவனுக்கே நாம் அர்ப்பணித் தால் நமக்கு பல மடங்கு பலன் கிடைக்கும்.

எல்லா வற்றிற்கும் மேலாக இறை வனுக்கு படைக்கப்பட்ட பிரசாதங்களை ஆனி திருமஞ்சனத்தன்று பெறுவது மிகபாக்கியமாக கருதப்படுகிறது.

வழிபாடு

ஆனி திருமஞ்சன வழிபாடு சிதம்பரம் நடராஜர் கோவில் மற்றும் தமிழகத்தில் உள்ள சிவாலயங்களில் மட்டுமல்லாமல் உலகில் உள்ள அனைத்து நடராஜர் சன்னதிகளிலும் சிறப்பாக கொண்டாடப்படுகிறது.

சிங்கப்பூர், மலேசியா, ஆஸ்திரேலியா மற்றும் பல்வேறு வெளிநாடுகளில் வசிக்கும் தமிழர்கள் ஆனி திருமஞ்சன விழாவை சிறப்பாக கொண்டாடுகிறார்கள்.
விஞ்ஞானிகள் வியப்பு

ஜெனீவாவுக்கும், சுவிட்சர்லாந்துக்கும் நடுவில் இருக்கக்கூடிய அணுஆராய்ச்சி கூடத்தில் சிதம்பரம் நடராஜரின் முழுஉருவச்சிலையை நிறுவி இருக்கிறார்கள். நடராஜர் வழிபாட்டிற்கு நம்முன்னோர்கள் எவ்வளவு முக்கியத்துவம் கொடுத்துள்ளார்கள் என்பதற்கு இதுவே சான்று.

அங்கு வைக்கப் பட்டுள்ள சிதம்பரம் நடராஜரின் முழுஉருவ சிலையானது உலக விஞ்ஞானிகளே வியக்கும் வகையில் தத்ரூபமாக அமைக் கப்பட்டுள்ளது.
பஞ்சபூதங்களையும் தன்னுள் அடக்கி ஆள்பவராக நடராஜரின் சிலை அமைப்பு காணப்படுகிறது. அண்டத்தில் உள்ளது பிண்டத்தில் உள்ளது. பிண்டத்தில் உள்ளது அண்டத்தில் உள்ளது என்று மேற்கோள் காட்டும் விதமாக மனித உடலின் இயக்கங்கள் பஞ்சப்பூதத்தை ஒன்றி உள்ளது என்ற திருமூலரின் சொல்லுக்கிணங்க மனிதனுடைய இயக்கமும், பிரபஞ்சத்தின் இயக்கமும் பஞ்சபூதத்தின் ஆட்சியின் கீழ் நடைபெறுகிறது என்பதை சிதம்பரம் நடராஜர் சிலை அமைப்பு விளக்குகிறது.

நடராஜரின் திருவுருவ சிலையில் வலது மேல் கையில் உடுக்கையும் (படைத்தல்), இடது மேல் கையில் அக்னியும் (அழித்தல்), வலது கை அபயஹஸ்தம் (காத்தல்), வலது ஊன்றிய பாதம் (ஆணவங்களை நீக்குதல்), தூக்கிய திருவடி (அருள் பொழியும் தன்மை)ஆகியவற்றை கொண்டு விளங்குகிறது. இடது கீழ் கையானது தூக்கிய திருவடியை காட்டும் வண்ணம் அமைந்துள்ளது.

வெங்கடேசதீட்சிதர்
சிதம்பரம் நடராஜர் கோவில்.
செல்: 98944-06321.

பஞ்ச பூத தலங்களில் ஆகாய தலத்திற்கு பெயர் பெற்ற இடமாக சிதம்பரம் நடராஜர் கோவிலில் ஆனி திருமஞ்சன விழா கடந்த 12-ந் தேதி கொடியேற்றத்துடன் தொடங்கியது. விழாவில் கடந்த 16-ந் தேதி இரவு தெருவடைச்சான் உற்சவம் நடந்தது.

இந்த நிலையில், நேற்று ஆனிதிருமஞ்சன தேரோட்டம் நடைபெற்றது. இதையொட்டி, அதிகாலை கோவில் நடை திறக்கப்பட்டு மூலவருக்கு ரகசிய பூஜை நடந்தது. இதனை தொடர்ந்து, சிவகாமசுந்தரி சமேத ஆனந்தநடராஜருக்கு சிறப்பு அலங்காரம் செய்யப்பட்டு, தீபாராதனை நடந்தது. காலை 7 மணிக்கு மூலவராகிய ஆனந்த நடராஜர், சிவகாமசுந்தரி அம்பாள் ஆகியோர் சிறப்பு அலங்காரத்தில் சித்சபையில் இருந்து கனக சபைக்கு எழுந்தருளினர்.

இதையடுத்து சுவாமி புறப்பாடாகி, கோவில் உட்பிரகார வலம் வந்து, தட்சணாமூர்த்தி சன்னதி முன்பு எழுந்தருளினர். அங்கு நடராஜர், சிவகாமசுந்தரி அம்பாள் முன்னும், பின்னுமாக நடனமாடியவாறு பக்தர்களுக்கு காட்சி அளித்தனர்.

இதனை தொடர்ந்து, 21 படிகள் வழியாக கீழவீதி தேர் மண்டபத்துக்கு சுவாமி வந்தடைந்தது. தேர் மண்டபத்தில் பச்சையப்பன் அறக்கட்டளை சார்பில் கோவில் பொது தீட்சிதர்கள் முன்னிலையில் மண்டகபடி பூஜை நடைபெற்றது. பின்னர், காலை 7.10 மணியளவில் ஆனந்தநடராஜ மூர்த்திக்கும், சிவகாமசுந்தரி அம்பாளுக்கும் சிறப்பு தீபாராதனை நடந்தது.

தொடர்ந்து விநாயகர், சுப்பிரமணியர், நடராஜர், சிவகாமசுந்தரி அம்பாள், சண்டிகேஸ்வரர் ஆகிய சுவாமிகள் அலங்கரிக்கப்பட்ட தேரில் எழுந்தருளினர். காலை 8.10 மணியளவில் விநாயகர் தேரை பக்தர்கள் முதலில் வடம் பிடித்து இழுத்தனர். இதனை தொடர்ந்து, சுப்பிரமணியர் தேர் இழுக்கப்பட்டது.

பின்னர் காலை 8.30 மணிக்கு மூலவர் நடராஜர் தேரை பக்தர்கள் வடம்பிடித்து இழுத்தனர். அப்போது, பக்தர்கள் ஓம் நமச்சிவாய, சிவாய நம என்ற பக்தி கோஷங்களை எழுப்பினர்.

பின்னர் சிவகாமசுந்தரி அம்பாள் மற்றும் சண்டிகேஸ்வரர் தேரையும் பக்தர்கள் வடம் பிடித்து இழுத்தனர். தேரோடும் வீதியில் 5 தேர்களும் வலம் வந்தன. ஆயிரக்கணக்கான பக்தர்கள் வெள்ளத்தில் தேர் அசைந்தாடி வந்தது. தேர் மேலவீதி கஞ்சித்தொட்டிமுனை சந்திப்பில் நிறுத்தப்பட்டபோது, பருவதராஜகுல சமுதாயம் சார்பில் நடராஜர், சிவகாமசுந்தரி அம்பாள், சண்டிகேஸ்வரருக்கு பட்டு சாத்துதல் நிகழ்ச்சி நடந்தது. இதையடுத்து இரவு 8 மணி அளவில் தேர்கள் அனைத்தும் நிலையை வந்தடைந்தது.

தேர் நிலைக்கு வந்தவுடன் ஆயிரங்கால் முகப்பு மண்டபத்தில் சுவாமி எழுந்தருளினார். பின்னர், அங்கு லட்சார்ச்சனை நடைபெற்றது.

ஆனி திருமஞ்சன மகா தரிசன நாளான இன்று (வியாழக்கிழமை) அதிகாலை 2.30 மணி முதல் 6 மணி வரை மூலவர் ஆனந்தநடராஜருக்கு மகா அபிஷேகம் நடைபெறுகிறது. பின்னர், காலை 10 மணிக்கு ரகசிய பூஜை நடக்கிறது. இதையடுத்து, திருஆபரண அலங்காரமும், பஞ்சமூர்த்திகள் வீதிஉலாவும் நடக்கிறது. மதியம் 3 மணிக்கு மேல் மகா தரிசன நிகழ்வு நடைபெறுகிறது. நாளை (வெள்ளிக்கிழமை) பஞ்சமூர்த்திகள் முத்துப்பல்லக்கில் வீதிஉலா நடக்கிறது.